先來個總結同感想先:
性價比都算高! 連稅都係百幾蚊仲想點?
如果價錢,位置行先,就非常好!
如果新淨,非常乾淨衛生或討厭吸煙者,你再可以找找!😅
衛生程度:整體都叫做可以,床舖及房間都叫整潔!(因為佢會執房,本身係以為佢唔會執)
位置:覺得一流! 樓下有茶樓,食市(KFC, Starbucks, 24便利店,士多等)及按摩的地方,附近有宵夜地方,過個馬路就係地鐵站,打車,巴士都好方便!
服務: 堅24小時lobby 有人座,都可以處理吓小問題(不過你唔好諗到好像大型酒店禁😅),另外執房,換毛巾,梳洗用品,水,基本嘢佢都有嘅!
設施:房size唔算細,簡單嚟講就係一個開放式住宅咁樣,其他還可以(叫樣樣都有,基本上廣告啲相裏邊有嘅都有,係冇煮食爐同洗衣機),但唔好諗到係好新淨!