爆炸 KK Fung
2024 年 4 月 11 日
我地一共5個人,係呢間酒店入住2晚,對住酒店門口已經有間好正的coffee shop(一定要坐佢個露台位飲返杯egg coffee (唔記得影佢杯野的相),出門口向右轉或向左轉都各有間好食到不得了的越南湯河,如果係去左邊行多兩步就有條行仔,法包小食應有盡有,再行前少少就係有間教堂(咁岩比我遇到有早會),隔離有Cricle OK,唔怕夜晚缺水缺糧,其實都唔會行到攰,因為每隔幾個鋪位都會見到有按摩,行遠少少去老城區都係十零分鐘的事,夜晚飲酒食飯落club,地理位置可以話係一流。
如果想平平地純粹只係要張床訓,性價比可以算係非常高。
但如果對房間有絕對要求的朋友,就唔太建議了,因為一晚都係$400左右(大家應該明我講乜嫁啦),01房有個細細露台(都企到2個人出去食煙的),02房無露台但房間偏大+有浴缸(但我估妳地都唔會用黎浸浴😂),同埋01房的地台去水位設計有d問題,會搞到有積水(過一陣d水先去得灑)。
仲有個小插曲,我2個朋友唔好彩住6-7樓,應該係個揼水壞壞地,無水沖涼(但我和其他人分別住2-5樓,就無事😂),要借我地房沖涼。