去到先知道,要上一層樓梯先可以搭lift上去,原來唔係層層有lift,好彩睇完評論有通知reception安排。
房間都算細間,插電完全唔方便,床頭2側無得插電,係mini迷你衣櫃入面得一個位置可以用,另一個插電位只可以煲水。
超級mini迷你洗手盤,完全接受唔到。電視📺完全開唔到來睇。冷氣用用下自動關機😂😂
雖然有個陽台,唔用得,因為開就容易,關門就好難,要搵職員幫手。
入面無檯用,🉐張矮凳可以用。好唔方便。
牙刷好細,唔適合大人使用,適合小朋友,唔方便。
最滿意係有熱水沖涼😍,可能係低層,如果距安排高層未必有熱水可以沖涼。因為哩間賓館近似唐樓,通常5樓以下熱水供應無咩問題,如果高層,未必有咁熱嘅熱水可以用。
賓館有滴特色,有傳統嘅文化嘅野係度,例如,喜字水杯,舊電話☎️,竹凳,舊水壺😂😂