睇相無咁靚,但房內現場一定比相靚,我訂的是豪華房,房好大,廁所好大,廁所花灑頭按摩力大,好舒服,又另有浸浴缸,有雙洗手盆,所有東西全部有齊,唯一可惜是退房只可以12:00 前,可以遲些退房就好了。房間提供飲用水充足,前枱有提到,如果不夠飲可以再找房間服務再取,雪櫃又有welcome drink , 雖然入住三日兩夜,前台已講明只提供一次,但亦沒有多大問題。商場內八百伴有超市,可以買飲品,價錢與街外7-11 近似,合理的。由於要求無煙樓層和更好景觀,所以要等到18:00 才可入住。最值得讚是酒店的shuttle bus , 可以去各個口岸,連官也街也可以去,但要留意班次,我們還試了坐高架地鉄,好好玩,又可以坐shuttle bus 返酒店。總好過我上一次在新濠影匯睇完黎明及郭富城演唱會,大會安排得勁差,演唱會好早收工,得一班車接去拱北口岸,之後又無車接走,落大雨,令到我們超級徬徨,感覺好差,賣完票唔理客。但今次這間酒店做得好細心,好照顧我們客人。有暖水游泳池,有位很高的救生員好細心,又給我們毛巾,又給我們執拾,做得很好,真的要給個「讚」。至於gym room 踏單車的設備得一台,可以加些就更好,可惜地方較少。另外,自助山早餐好味,特別係點心,又有凍港式奶茶、咖啡、凍檸茶,好喜歡。至於園境,打卡位,好靚。總括而言,好喜歡,服務到位親切。
很好
7658 評價