無間斷地住多一晚,因為實在太喜歡太喜歡呢個地方,呢一晚感覺有啲肚餓差唔多已經係凌晨嘅兩點,竟然比我搵到一間喺馬路邊嘅糖水店,梗係唔放過啦!食完糖水已經係三點啦!坦白講,呢個地方每次嚟到澳門嘅時候都係我第一首選,佢哋好成功俘虜咗我個心,每次嚟澳門就好似返屋企一樣,開心、回憶、浪漫,呢度通通都可以比到我,雖然呢度對面係一個公園仲要係一個好開陽嘅公園,每一晚都有好多街坊走出嚟傾談,個氣氛好好,未見過一個公園可以多人多到咁樣,呢個公園晚晚都係咁多人,但係你唔會覺得置身酒店嘅你外邊好嘈,相信酒店佢哋有外牆隔音,酒店真係做得好好,呢個係值得一讚!👍