酒店機能性高 首先位置旺中帶靜 在国際センター出口14 可直接搭𨋢上地面同酒店 拖gip好方便 去名古屋駅可走地下街10分鐘 沿路多鋪頭食店可行 落雨都唔怕 地面附近有幾間便利店可買宵夜飲品
酒店內 有coins laundry(這是很重要的)亦有細小溫泉浴場 房間內亦有小浴缸 廁所分離 方便家庭多人分開使用 房內有tablet apps顯示浴場 洗衣機使用狀況唔駛同人逼
Lobby有高、低枕頭可選取 亦有不同種類浴鹽 浴球可取 小朋友好喜歡 每次都拎返房浸浴 有間細餐廳可享用西日式早餐 味道不錯
房內大床床褥枕頭軟硬度舒適 只希望大床size可再大一點 一家三口瞓1.6m大床只剛剛好 姐姐收拾房間清潔企理 亦很有禮貌 十分讚👍🏼
前後住過兩間酒店 我們和小朋友也較喜歡這間酒店 眼見都多本地日本人入住渡假 下次再去名古屋會再入住!