酒店非常近Asato 安里站。到站出閘後轉右邊行,就望到升降機,轉右直行就係酒店。
先搭升降機去3樓check-in, 然後攞到門卡去搭升降機去自己樓層。
整體感覺唔錯,但浴室個簾有啲黑色一點點…個花灑有啲難控制熱度,係浴缸,然後由風筒。(如果香港人第一次去日本的話…建議自己帶捲紙)
我一個人住呢款房,覺得床好大,燈光的確有啲暗,門口開黃色房燈,然後就係檯燈。建議開埋個檯燈。
電位係有usb 頭,所以唔一定用轉插。有個水煲煲水。
電位位置分別係:書檯 2個,床頭1個。唔洗一定帶好長既充電線。
我買時候跟埋3日早餐,三日啲食物其實差唔多,有啲熟食會轉左
第一日俾房卡,講自己住既放號碼同check in時候俾既紙,俾職員望,然後佢會俾個A5 交牌你。要放係檯面,然後食完反轉個牌(黃色面,意思係食完)
一出去行右邊攞托盤同餐具,下面架有兒童餐具,攞完之後行去左邊攞餐盤/碟
中間係沙律、水果、乳酪、納豆、紫菜、梅、醃製菜、煮好的2款熟食。
個人推薦上面水果提子、菠蘿。 芒果有啲生,車厘子同香港平時食到既唔同。熟食有2日遇到苦瓜炒豆腐…我個人唔太鍾意(苦。
有日見到三文魚。
納豆細細杯,有興趣可以自己攞,紫菜類似四周紫菜個包裝,好食。
然後到周圍事物,從攞完餐盤/碟開始望,
分別係炒蛋、煙肉、香腸、春卷/炸雞(推薦)/炸肉餅 (呢個每日唔同款)、呢度推薦炒蛋、真係好好食,好滑。
炒麵/意粉(呢個每日唔同款)、
煲裡面:菜捲/牛肉片/白色雞肉丸(呢個每日唔同款)。 然後麵包 牛角包、餐包、細熱香餅。 記得夾上去用上面個爐整熱佢。佢有包裝草莓醬、藍莓醬同糖漿。牛角包整熱之後唔錯。
然後就係味增湯、白飯、白粥、腐皮烏冬(唔知係咪因為我遲去?第二日無呢個,推薦呢款)
飲料方面:大瓶裡面有牛奶、咖啡、紅色既茶?(我覺得一般) 唔想買牛奶就係早餐飲多啲。 咖啡隔離有熱既。佢都有個自助飲品機
我飲左佢個檸檬芬達,呢個唔錯。烏龍茶感覺一般、都有水、梳打水、蘋果汁既按鈕。
餐廳隔離擺左個微波爐,應該係可以用黎叮?試過叮Lawson 炸雞
黑咖啡係任飲 可以翻去時候攞杯上去,糖隔離自取。
職員方面當時check in 遇到係講英文既
然後大部分職員都係講日文,好有禮貌,會同人打招呼,然後都好樂意幫人。
建議可以係機買1-2日pass , 因為最方便。pasmo suica 可以用,但唔夠錢要係有人櫃位先可以增值。每個站都有toilet。如果搵唔到toilet的話可以入閘去 ,然後出閘。
個pass 係卡黎,中間係QR code, 翻轉卡,QR code要對準閘門透明個scanner,然後聽到 嘟 一聲,就入得。
附近有個24小時超市,但個人建議去maxvalu 牧志站,有更多熟食選擇。
整體黎講,適合獨遊、容易迷路人士去住。
如果自駕遊好似都有停車位,不過要收錢。