尖東九龍香格里拉酒店親子staycation

［Staycation] 尖東九龍香格里拉酒店 入住日期：12-13/7 人數：一大兩細 房型：行政套房 package：一晚房連lounge benefits 價錢：$1834.8 （40週年六折優惠） 會籍：白板 預訂途徑：官網 今次九香有六折，真心係史上最抵，所以點都book一晚靚房嚟試下佢。我未住過九香，不過我當年擺酒係擺港香，兼且住過一晚港香送嘅房，對佢精細嘅服務十分之印象難忘，所以今次住九香都好有期待。 特色 行政酒廊食物精緻無敵海景 自家出產中國茶西式烘焙麵包非常出色 服務貼心細緻 室內游泳池唔怕打風 房間 我會形容為大而無當，裝修非常之商務風，但係冇美感可言，好大好多櫃。不過設施的確係齊全，比較特別係有微波爐，方便有小朋友嘅家庭整嘢食。房間送迎賓果盤同埋保溫籃中國茶，呢個茶都係少見嘅老香江酒店特色。 酒店裝潢 典雅老香江中國風，有唔少古董文物。 酒店設施 有一個室內游泳池，不過偏細，但係算淺水，適合同小朋友游。泳池只接受on-day booking，如果週末假日，建議較鬧鐘一早打去book，泳池開5點半。酒店有舉行唔同工作坊，我哋今次參加咗一個品茶工作坊。因為全場得我第一個家庭，品茶師好好心機介紹各種茶具同埋沏茶方法。佢仲提到原來香格里拉喺內地有自設茶園，酒店內嘅茶包都係自家茶園出品，唔怪得之啲茶咁靚咁香。完成之後我哋每人攞到一張紀念狀同埋一啲香格里拉嘅茶包。 行政酒廊 非常優秀嘅行政酒廊，名叫豪華閣，環境服務都好。九龍香格里拉嘅地理位置好，所以佢個海景其實係尖東幾間酒店裏面最靚，而行政酒廊就正正睇曬靚海景。唔使book海景房，淨係坐喺度飲杯cappuccino，食個包，由朝睇到晚都已經好正好chill。行政酒廊提供三餐，早餐、下午茶同雞尾酒時段。香格里拉嘅餅店一向都做得好出色，所以雖然佢其他小點都做得好精緻，其實我最鍾意係佢嘅包餅類，尤其是係個scone。 親子措施 小朋友check in會送兒童禮物包，女仔仲有頭飾送。喺行政酒廊有一個小書櫃，可以俾小朋友靜靜地睇書食嘢。房間提供小朋友bath amenities。 總括評語 可能佢其他套房會比較吸引，但係行政套房除咗個浴室真係不怎麼樣。但係行政酒廊優勝，所以我覺得就算冇乜budget嘅都至少要book行政房。 #全家出遊 #冬遊記 #抵玩酒店 #高cp值飯店