荃灣真正雲朵打卡Cafe ～ 寵物友善 荃灣南豐紗廠其實好多餐廳都好靚 今次試

荃灣真正雲朵打卡Cafe ～ 寵物友善 荃灣南豐紗廠其實好多餐廳都好靚 今次試吓走上3樓睇吓有咩餐廳先 見到呢間以雲石紋為主題嘅餐廳 仲要狗狗都入得添，見到幾隻好可愛嘅柴柴好乖咁坐咗喺度，就吸引咗我入去試吓啦🥰 餐廳坐位唔係好多，但係Menu選擇就非常之多 睇咗一陣我哋就決定好了 見到有我最鍾意食嘅意大利雲吞 「菠菜芝士意大利雲吞」$98 份量唔係好多，但係味道唔錯，芝士香味好濃郁 如果再熱啲就更加好🥰 「瑪格麗特薄餅」$118 Pizza 同樣是一人份量，味道還可以 「晨曦蜜桃乳酪特飲」$58 橙橙地色幾靚，好似日落🌄 見到飲品Menu有個好特別嘅飲品 好似有舊烏雲咁樣💕好有趣 佢有烏雲同埋白雲，但係因為餐廳比較白色 所以選擇咗烏雲😂其實係灰色嘅棉花糖💓 「烏雲棉花糖」$68 初初揀嘢飲嗰陣仲喺度頭痛， 唔係好想夜晚飲咖啡 點知原來嗰杯熱飲可以自選任何飲品 我就叫咗杯熱朱古力 雖然杯熱朱古力冇我想像中咁濃郁 但係呢個飲品嘅賣相絕對夠晒吸睛🤩 不過原來好戲在後頭，甜品先係最重點 「脆皮榛子朱古力球」$48 價錢唔貴，卻份量不小 好似一個特大嘅金莎一樣，榛子味又滑又好味😋 「雪糕布朗尼朱古力球」$88 睇得又玩得，入面係雲呢拿雪糕球 淋上熱辣辣嘅Raspberry醬，慢慢係你面前溶化 一冷一熱味蕾倍感刺激 今餐令我最意外嘅係甜品 下次一於再買啲返屋企食 Labels Cafe + Bar 地址: 荃灣南豐紗廠3樓305-306號舖 @labelscafe #飲食優惠 #荃灣 #荃灣美食 #著數 #抵食 #南豐紗廠 #咖啡館#浪漫約會餐廳#親子好去處#美食探店# 下午茶情報#高cp值飯店#夏天去哪兒#夏日美食攻略 #下午茶情報