100分鐘瘋狂食燒肉 自從上次打完第二針好辛苦之後，蝦子餅就成日逼我食肉，覺得

100分鐘瘋狂食燒肉 自從上次打完第二針好辛苦之後，蝦子餅就成日逼我食肉，覺得我平時食得太少肉。 所以今次我哋嚟到荃灣呢間牛太試吓 我哋點左個豪華燒肉放題 第一次嚟呢間食，以為點左餐之後就會送上食物，以為個餐包咗就會送上指定食材，點知原來要自己點先會嚟😂我哋呆呆咁等咗15分鐘，好彩職員好好人加返15分鐘俾我哋☺️ 打開個Menu先知道點解要自己點餐 原來個種類多到不得了 淨係牛肉嘅種類都多到15款以上 第一次點就乜都叫啲試吓 以為份量細細份，點知嚟到碟碟都好大份😂 牛肉嘅種類真係十分之多，唔同嘅部位都有得食。牛太唔止食物種類多，連醬汁選擇都特別多，共有六款燒肉醬料。唔同嘅醬汁都帶出唔同肉味嘅鮮味，真係要試吓。 我地點咗唔同部位試吓，仲有分鹽燒定係燒汁味可以選擇 我地點咗： 上級封門柳、柔嫩板腱、上級牛肋肉、上級腹胸扒、一本牛肋條、牛肋肉、果味牛肋肉、超盛蒜蓉黑胡椒日本豚腩、大虎蝦、鹽燒帆立貝、京蔥、洋蔥、燒菠蘿、蒜蓉金菇菜、豆腐麻醬沙律、泡菜白菜、涼拌菠菜、燒雞軟骨串、鹽燒手羽、雞腿肉、甜燒牛油番薯仔、薄切牛舌、澳洲產和牛、紅豆鯛魚燒 咁多種肉，最鍾意食上級封門柳，入口肉味濃郁，肉質幼嫩。其次就係牛告，爽口彈牙又香口，好後悔最遲先食佢。 因為佢喺個Menu最下面😂好遲先發現佢。 特別推介果味牛肋肉、超盛蒜蓉黑胡椒日本豚腩。味道醃製得剛剛好，肉嫩多汁。 雖然佢哋嘅大虎蝦好細隻，但係好新鮮好鮮甜。甜品方面最鍾意食佢個蕃薯仔同埋紅豆鯛魚燒，啱啱燒起嘅鯛魚燒非常之香，外脆內軟好鬼正🥰 如果唔想食咁多肉，仲有稻庭烏冬同埋飯。包你食飽同滿足。 呢度嘅選擇真係好多，三百幾蚊真係好抵食。仲有飲品任飲，最後食埋MOVENPICK嘅雪糕就滿足。🥰 牛太 地址: 荃灣楊屋道1號荃新天地地下G48& G50號舖 @gyuta_wagyu #牛太 #荃灣美食 #燒肉放題 #荃灣好去處 #香港美食 #荃新天地 #美食 #美食推薦 #美食日記 #hkfoodies #hkfoodie #食好西 #foodiehk #小夏美食情報 #美食探店#高cp值飯店#夏天去哪兒#夏日美食攻略