茶水我地選左紅茶,另外仲有2份椰汁南瓜西米露,暖暖地飯後食,椰汁味夠濃而且幾稠下。鍋底話系三國椰青水——開始我以為系三種椰青水選一,後來先明白系三種椰青水溝埋一齊——泰國、越南、海南椰青水,幾甜下架。珍珠馬蹄椰子雞,半隻,其實唔多,不過雞肉真系正,皮爽肉紮實,唔系個d軟霖霖既貨色。珍珠馬蹄分量幾多,系我食過甘多間裏面馬蹄俾得最多既一間,要懷住感恩既心去食珍珠馬蹄——甘細一粒批皮幾艱難啊!??潤園最佳配搭拼盤,黎之前見到評論話呢個拼盤幾大下,上菜時真系感慨——真系好大盤啊,有咩嘢材料?油麥菜大白菜土豆淮山蓮藕木瓜香菇金針菇炸腐竹福袋蟹肉棒魚丸芝士丸肥牛,我數到大概系甘多,飲完雞湯后加水就煮呢盤菜,炸腐皮肥牛香菇木尕青菜都好食,最好食系淮山,煮耐d吸收左d湯汁,入口即化啊。最唔推薦邊樣?蟹柳。海南粉,有一碗,前麵食到飽飽,所以粉熟后只能夾左一株,撈青桔豉油黎食,酸酸鹹鹹開胃,粉本身依依韌韌,唔錯,可惜我太飽。