氣氛唔錯既西餐

[旺角］Amplifier Restaurant . 焗法式田螺酥盒（薯蓉及香草牛油) 食剩指數:0/100 外層焗得好香脆 加埋特製既香草牛油 一啖擺入口剛剛好 田螺大大隻又軟身，同中間既薯蓉好夾 所有味道融為一體好正～ . 焗香草春雞配大虎蝦(蕃茄沙沙） 食剩指數:1/100(淨左少少配菜😂 大虎蝦有兩隻 肉質好彈牙 春雞焗完後肉質啲都唔粗糙，仲好滑好香 連有啲細位都有香料醃製 至於蕃茄沙沙有少辣 加左落個雞度都幾開胃 . 法式忌廉芝士焗薯 食剩指數:10/100(好飽肚) 焗薯一上菜已經好香芝士味 一咬落去外層好脆 有種好似食芝士棒果種感覺 而入面有忌廉同香草 鐘意芝士同薯仔必叫 . Bartender’s Choice For 2 cocktail $160 咁當然叫兩杯啦談下心😂😂😂 Sweetie Hebe :荔枝味base, 甜甜地清清地 Stand by Man :芒果base, 好濃既芒果味,易入口 兩款都好適合女士飲用～ 地址: 花園街3-5號鴻威大廈1樓B號舖 #本地遊#cafe#hkfoodie