西式+日系 打卡 Cafe Mizu

西式+日系 打卡 Cafe Mizu #好好味嘅日本飯🤤 今次同閨蜜去咗一間日本西餐廳 Mizu ，入到餐廳見到唔少日式元素，座位好寬躺，有好幾個好似包廂的座位，打卡一流，而且好多綠色植物包圍，感覺好舒適。 食物方面有日式，亦有啲西式，我地叫咗兩個日本定食，兩個都好出色！特別係啲日本米，軟綿綿又粒粒分明，吸收咗食物嘅汁令成個飯味道層次提升！ 燒鰻魚定食（味噌汁付）$188 鰻魚入味鮮甜。份量啱啱好。 讚下個味噌湯，唔會好咸，而且裏面有蜆肉，令到湯更鮮甜。 串燒雞定食（味噌汁付）$188 除咗串燒雞仲有好多配料，例如煙肉包菜、冬菇等等，每樣嘢都好好味，食得好開心，附上一隻日本雞蛋撈飯食，雞蛋裏面混合左日本醬油，配上粒粒分明嘅日本米，即刻有去咗日本嘅感覺。 呢度嘅咖啡亦好出名，見到好多人都入嚟飲佢哋啲咖啡，不過我同朋友都唔係好識品嚐，下次要帶識嘆咖啡嘅朋友一齊嚟先得。 我就另外帶咗盒咖啡俾超鍾意飲咖啡☕️嘅叔叔品嘗，叔叔大讚又香又滑。 Mizu (佐敦) 佐敦德興街3號地舖 #旅行攻略#咖啡館#浪漫約會餐廳#美食探店# 下午茶情報#高cp值飯店#夏日美食攻略 #下午茶情報